Condicións do agasallo por propostas
Última actualización: 26 de setembro de 2026
Se nos mandas unha idea para Agro GPS, o equipo a acepta e a publica como proposta e fuches a primeira persoa en propoñela, regalámosche 1 ano de Premium. Estas son as condicións:
- Un só agasallo por proposta aceptada.
- Só o recibe quen a propuxo primeiro, segundo a data en que recibimos a súa mensaxe.
- O equipo de Agro GPS decide que propostas se aceptan e pode xuntar as que son iguais ou moi parecidas. As que chegan despois súmanse como votos á proposta que xa existe e non reciben agasallo.
- O agasallo é 1 ano de Premium nas explotacións das que es titular en Agro GPS e empeza a contar o día en que se publica a proposta. Se xa tes Premium ata unha data, o ano súmase a partir desa data. Se pagas unha subscrición, escribímosche para aplicalo sobre ela.
- Se aínda non tes conta co correo desde o que nos escribiches, o agasallo actívase cando entres en Agro GPS con ese correo.
- Non se pode cambiar por diñeiro nin ceder a outra persoa.
- Nunca publicamos enderezos de correo. De quen propón só mostramos o nome de pía, se nos deu permiso, e o país.
- Podemos cambiar estas condicións. As que valen son as publicadas nesta páxina.